Құқықтық тәрбие – қоғам талабы
«Сыбайлас жемқорлыққа қарсы іс-қимыл туралы» Қазақстан Республикасының Заңында «сыбайлас жемқорлыққа қарсы мәдениетті қалыптастыру – сыбайлас жемқорлыққа қарсы іс-қимыл субъектілерінің қоғамда сыбайлас жемқорлыққа төзбеушілікті көрсететін құндылықтар жүйесін сақтау және нығайту бойынша өз құзыреті шегінде жүзеге асыратын қызметі» түсіндіріледі. Сыбайлас жемқорлыққа қарсы мәдениет – бұл адамның саналы және адамгершілікпен сыбайлас жемқорлыққа қарсы тұру қабілеті.
Сыбайлас жемқорлыққа қарсы мәдениетті қалыптастыру белсеңді азаматтық позициялардан көрініс табады. Ол үшін әрбір адам жемқорлықты қауіпті әлеуметтік құбылыс етіп тану қажет. Жемқорлықтың зиянын бағалай білу керек. Оның азаюына әкеп соқтыратын барлық қажеттіні пайдалануы тиіс. Тұлғаның құқыққа сай әрекет етуінің деңгейі адамның сыбайлас жемқорлыққа қарсы мәдениетін көрсетеді. Сыбайлас жемқорлыққа қарсы мәдениеттің өзегінде заңдылықты білу, құқықтық тәрбиені нығайту, заңға бағыну, құқықтық сауатты болуында жатыр. Отанға деген сүйіспеншілік, азаматтық белсенділік, міндеттерді адал атқару құқықтық мәдениеттің көріністері болып табылады. Қоғамда заңдылық пен құқықтық тәртіптің нығаюына, мемлекеттік және құқықтық жүйенің тиімді қызмет етуіне сыбайлас жемқорлыққа қарсы мәдениет ықпал етеді.
Ш. ҚОЖАНТАЕВ,
Қарашеңгел ауылдық
округі әкімі
