Тәртіпке бас имегендер жазаланады
Қазалы ауданы – біздің ортақ мекеніміз. Оның көркеюіне, абаттануына, санитарлық тазалығына әрбір тұрғын жауапты.Әрбір тұрғын өз ауласын, есігінің алдын, үйінің сыртын,тұрғылықты көшесінің аумағын таза ұстап,қоқыс қалдықтарын белгіленген аймаққа шығарып төгулеріңізді сұраймыз!
Аудан тұрғындары ауыл маңына, көше тасаларына, белгіленбеген орындарға бей берекет тұрмыстық қатты қалдықтарды тастау анықталған жағдайда Қазақстан Республикасының «Әкімшілік құқық бұзушылық туралы» Кодексінің 434-2 бабына сәйкес айыппұл салынатындығын назарларыңызға саламыз!
Қазіргі таңда көше қиылыстарына, шет аймақтарға яғни тұрмыстық қалдықтарды тастауы ықтимал аймақтарға бейнекамералар орнатылып, полиция тарапынан қатаң бақылауға алынғанын ескертеміз.
Ағымдағы жылдың қаңтар айының 27 күніне дейін аудан тұрғындармен ҚР ӘҚБтК- нің 434-2 бабымен яғни ортақ пайдалану орындарын ластау дерегі бойынша 38 дерегі және ҚР ӘҚБтК-нің 505 бабымен яғни абаттандыру қағидасын бұзу бойынша 110 деректері анықталып Заң аясында шара көрілді.
