Аудан орталығы - Әйтеке би кентінің ауқымы кеңейіп, күн санап қарыштап дамып келеді. Ал, әр күн сайын көркейіп келе жатқан туған жердің тазалық мәселесі әрдайым алдыңғы орында болуы тиіс.

Осыған сәйкес наурыз айынан бастап екі айлық тазалық айы басталып аудан көлемінде жаппай сенбілік жұмыстары үздікіз жүргізілуде.

Алайда кейбір тазалыққа немқұрайлы қарайтын тұрғындар тарапынан белгіленбеген орындарға қоқыс тастау мәселесі толастамай отыр. Соған сәйкес аудандық полиция бөлімінің учаскелік полиция инспекторлары күнделікті рейд жұмыстарын жүргізуде. Нәтижесінде ҚР Әкімшілік құқық бұзушылық туралы кодексінің 505-бабы яғни «Қалалар мен елдi мекендердiң аумақтарын абаттандыру қағидаларын бұзу» деректері бойынша жыл басынан 742 құқық бұзушылық анықталып ескерту жасалса, ҚР Әкімшілік құқық бұзушылық туралы кодексінің 434-2 бабымен яғни «Ортақ пайдалану орындарын ластағаны үшін» 42 құқық бұзушылық анықталып, айыппұлдар салынды.

Құрметті аудан тұрғындары!

Тазалыққа қатысты рейд жұмыстары күнделікті жалғасатындығын назарларыңызға сала отырып, заң бұзушылыққа жол бермеулеріңізді сұраймыз!