Биыл Қазалы қаласындағы орталық алаң абаттандырылып, субұрқақ іске қосылды
Биыл тарихы тереңнен сыр шертетін Қазалы қаласында көркейту-көгалдандыру, абаттандыру жұмыстары қарқынды жүруде. Қала ішіндегі Ерлепесов, Мергенбаев, Уалиханов, Рахашұлы, Әйтеке би сынды 10 көшеге қайта жаңғырту жұмыстары жүргізіліп, орталық алаң абаттандырылуда. Мұнан бөлек, тазалық жұмыстары да күнделікті жүргізіліп келеді.
Биыл қала ішіндегі орталық алаңға абаттандыру жұмыстары басталған болатын. Бүгінгі таңда орталық алаңдағы бұл жұмыстар аяқталды. Қала тұрғындары алдағы уақытта қайта жаңғыртылған алаңда тынығып, бос уақыттарын тиімді өткізетін болады.
Қазіргі таңда мұнда балалар ойын алаңы мен фонтан салынып, жарықшамдар орнатылды. Сонымен қатар алаңға брусчатка төселіп, саябақ ішіндегі орындықтар сырланып, жаңаланды.
Айта кетейік, Қазалы қаласындағы орталық алаңды абаттандыру жұмыстарымен «Сарым Құрылыс» ЖШС айналысты.
