Орталық алаң абаттандырылуда
Биыл тарихы тереңнен сыр шертетін Қазалы қаласында көркейту-көгалдандыру, абаттандыру жұмыстары қарқынды жүріп жатыр.Қала ішіндегі Ерлепесов, Мергенбаев, Уалиханов, Рахашұлы, Әйтеке би сынды 10 көшеге қайта жаңғыртылып, орталық алаң абаттандырылуда. Мұнан бөлек тазалық жұмыстары да күнделікті жүргізіліп келеді.
Орталық алаңдағы жұмыстарды аудан әкімі Мейрамбек Шермағанбет арнайы барып көріп, қала әкімі мен мердігер мекеме басшысына бірқатар жұмыстарды тапсырды.
Алдағы уақытта орталық алаңға балалар ойын алаңы мен субұрқақ салынып, алаңдағы сахна, ескерткіштер қайта жаңартылмақ.
Сонымен қатар алаңға жаңадан тақтатастар төселіп жатыр.
Айта кетейік, Қазалы қаласындағы орталық алаңды абаттандыру жұмыстарымен «Сарым Құрылыс» ЖШС айналысуда.
«ҚАЗАЛЫ» ақпарат
