Алдымен аудан орталығында салынып жатқан «Руханият орталығы» ғимаратының құрылыс жұмыстарын көрді. Қазіргі таңда ғимараттың жер қазу жұмыстары жүргізілуде. Мәслихат төрағасы Сыр еліндегі барлық аудан орталықтарында аймақ басшысының қолдауымен салынып жатқан бұл нысанның құрылысы сапалы әрі өз мерзімінде аяқталуы керектігін айтты.
Айта кетейік, «Руханият орталығының» құрылыс жұмыстарымен «АСАР» жауапкершілігі шектеулі серіктестігі мекемесі айналысуда.
Мұнан кейін Әйтеке би кентіндегі «Жеңіс» саябағы мен Орталық алаңға барып, онда жүргізілетін абаттандыру жұмыстарының жобасымен танысты. Бұл жөнінде Мұрат Жолкелдіұлына аудандық мәслихат төрағасы Ғазиз Әліш пен аудан әкімінің орынбасары Күнтілес Назымбеков айтып берді. Алдағы уақытта жоспарға сәйкес Әйтеке би кентіндегі Орталық алаң қайта жаңғырып, «Жеңіс» саябағы ішінде ойын және спорт алаңдары, бассейін, түрлі демалыс орындары және басқа да тұрғындардың бос уақыттарын тиімді өткізу бағытында бірқатар нысандардың құрылысы жүргізілмек.
Мәслихат төрағасы аудан орталығын аралау барысында Жанқожа батыр көшесінің бойындағы аудан әкімдігі ғимаратының алдына жүргізіліп жатқан абаттандыру жұмыстарында көрді.