Сонымен бірге Жанқожа батыр көшесінің бойындағы аудан әкімдігі ғимараты мен Е.Бозғұлов атындағы №249 мектеп-лицей және 600 орындық Р.Бағланова атындағы аудандық мәдениет орталығы ғимаратының алды абаттандырылады.

Осылайша «Руханият» скве­ріне айналады деп күті­луде. Орталық көше бойындағы Е.Бозғұлов атын­дағы №249 мектеп-лицей, аудан әкімдігі ғимараты және Р.Бағланова атындағы аудандық мәдениет орталығы ғимараттарының алдына бру­счаткалар төсеу, жаяу жүргіншілер және велосипед жолын салу, субұрқақтар мен түнгі жарықшамдар, жаңа үлгідегі орындықтар, кіші архитектуралық мүсіндер орнату, балалар ойын алаңдары салу, гүлдер мен көгал егу жұмыстары жүргізілмек. Алдағы уақытта бұл орын қазалылықтардың сер­уендеп, бос уақыттарын тиімді өткізіп, демалатын орнына айналмақ.

Бұдан бөлек аудан орталы­ғындағы орталық алаң мен «Жеңіс» саябағын көркейту жұмыстарын да жандандыру жоспарда бар-тын. Әйтеке би кентіндегі Орталық алаңды кеңейту және жақсарту мақ­сатында абаттандыру жұ­мыс­тары басталды. Жобаға сәйкес алаңға жаңадан қазақи нышандағы брусчатка төсенішін салу, субұрқақ орнату және жаңа типтегі балалар ойын алаңы мен кіші сәулеттік формалар, гүлзарлар орнатылады. Сонымен қатар Төремұрат жырау көшесі бойына кәсіпкерлік мақсаттағы дүңгіршектер орналастыру жұмыстары қаралған.

Айта кеткен жөн, жалпы көлемі – 6500 шаршы метрді құрайтын Орталық алаңды абаттандыру жұмыстарымен «СК и Монтаж-Строй» жауапкершілігі шектеулі серіктестігі айналысады. Әйтеке би кентіндегі Орталық алаңды кеңейту және жақсарту мақсатында абаттандыру жұмыстары басталды.

Қазіргі таңда Әйтеке би кентіндегі «Жеңіс» саябағында күрделі жөндеу жұмыстары жүзеге асырылуда. Алдағы уақытта аудан халқының демалып, серуендейтін саябақ ішінде ойын және спорт алаңдары, бассейн, түрлі демалыс орындары бой көтереді.

Сондай-ақ келушілерге арнал­ған сауда қатарлары, жастар бас қосатын арнайы орындар және басқа да тұрғындардың бос уақыттарын тиімді өткізу бағытында бірқатар нысанның құрылысы жүргізіледі.

Саябақ ішіндегі бұл жұмыс­тардың барлығы аяқтал­ғаннан кейін қазалылықтар мен аудан конақтары Қазалы мәдени-демалыс кешеніне айналған керемет орында бос уақыттарын тиімді өткізеді деп көзделуде.

Бүкілхалықтық серуендейтін «Жеңіс» саябағы ішінде басталған абаттандыру жұмыстарын аудан әкімі Мейрамбек Шермағанбет күнделікті бақылауда ұстайды. Абаттандыру ісімен айналысатын мердігер мекеме және тиісті сала басшыларына жұмыстарды жеделдетіп ең әуелі сапасына аса мән беруді тапсырды.