Қазалы Қазалы аудандық қоғамдық-саяси газет
» » Ақтан батыр ауылына стадион салынып жатыр

Ақтан батыр ауылына стадион салынып жатыр

Бүгінде Ақтан батыр ауылын абаттандыру жұмыстары қарқынды жүргізілуде. Өткен жылы облыстық бюджеттен бөлінген қаржыға орталық алаң мен саябақ пайдалануға берілген.
Соның арқасында арбат бойындағы түнгі жарықшамдар самаладай жарқырап тұр. Бүкілхалықтық серуендеуге ұсынылған саябақ ішінде орындықтар, архитектуралық мүсіндер, темір күрке, сондай-ақ балаларға арналған ойын және спорт алаңқайы орналасқан. Мұнда ауыл балалары асыр салып ойнап, бос уақыттарын тиімді өткізуде.
Сонымен бірге ашық сахна алаңында ауыл тұрғындары мен қонақтар дарынды өнерпаздардың шығармашылығын тамашалап жүр. Осындай елді мекенді абаттандыру жұмыстары биыл да жалғасын тауып, ақтандықтар игілігіне 150 орындық стадион салынуда. Оның құрылысын «Сыр маржаны» ЖШС қолға алды.
Қазір серіктестік жұмысшылары белгіленген жерді тегістеу, топырақ үю сынды істерді аяқтады. Игілікті жаңалықты естіген ауыл тұрғындарының қуанышында шек жоқ. Енді ауыл балалары бар жағдайы жасалған жасыл алаңда ойнайтын болады. Сонымен қатар стадионда жүгіру жолағы мен волейбол ойнайтын алаң да түседі деп күтілуде.
Айта кетейік, Ақтан батырдағы ауқымды құрылыс облыс көлеміндегі елді мекенде салынатын екінші стадион. Ауылдық жердегі алғашқы стадион бұған дейін Нағи Ілиясов ауылында пайдалануға берілген болатын.
Қазалы аудан әкімінің баспасөз қызметі
27 тамыз 2019 ж. 214 0

Жаңалықтар мұрағаты

«    Қараша 2019    »
ДсСсСрБсЖмСбЖс
 123
45678910
11121314151617
18192021222324
252627282930