Ардагерлер мен қарттарға құрмет көрсетілді
Бүгін партияның «Ардагерлерді ардақтайық» жобасы аясында аманаттықтар бірқатар ардагерлерді Қарттар күні мерекесімен құттықтап, құрмет көрсетті.
«Қазақ халқында «Қарты бар ел қазыналы ел» деген нақыл сөз бар. Үлкенді сыйлау, оларға құрмет көрсету – ата-бабадан келе жатқан салтымыз. Мерейлі мерекеде баршаңызға зор денсаулық, ұзақ өмір, отбасыларыңызға – амандық, ұрпақтарыңызға бақ-береке тілеймін! – деген тілегін білдірді аудандық партия филиалының Атқарушы хатшысы Нұрғиса Жалғасбаев.
Осы күні партия филиалының Атқарушы хатшысы аудандық ардагелер кеңесінің төрағасы Оразғали Бекбанов және партия ардагері Қасқырбек Мәмбетжан Ұлы Отан соғысының ардагері Тілеуберген Тобаберген майдангерді арнайы құттықтап барды.
Өз кезегінде майдангер бейбітшілік – ұлы құндылық екенін, баға жетпес байлық екенін айтып, өз алғысын білдіріп, батасын берді.
