Партиялықтар майдангерді мерекемен құттықтап барды
Ел жадында мәңгіге қалатын Ұлы Отан соғысы майдангерлері мен тылда еңбек еткен ардагерлерге көрсетілетін құрмет жылдан жылға арта түспесе, кемімек емес.Ұлы Жеңістің 79 жылдығы қарсаңында аудан әкімі Мейрамбек Шермағанбет, «AMANAT» партиясы Қазалы аудандық филиалының төрағасы Ғазиз Әліш және бірқатар партия ардагерлері Ұлы Отан соғысының ардагері Тілеуберген Тобаберген майдангердің шаңырағында болып, мерекемен құттықтады.
Тілеуберген Тобаберген 1942 жылы әскер қатарына шақыртылады. 1945 жылғы 9 мамырдағы Жеңіс күнін Берлин қаласында қатардағы жауынгер ретінде қарсы алады. Бүгінде майдангер қария немелерелерімен бірге аудан орталығында тұрады.
Өз кезегінде партиялықтар еліміздің жеткен жетістіктері Ұлы Отан соғысы ардагерлерінің лайықты еңбегінің нәтижесі екенін атап өтіп, Отан үшін кеудесін оққа тосқан қарияға алғыстарын білдірді.
#AMANAT
#Ерліккетағзым
