Шалғайдағы тұрғындардың Аманаттық депутатқа айтар алғысы көп
Кәукейлік тұрғындар көктем шуағы еніп, жер сызы кетісімен, дала төсінде көктемгі егіс жұмыстарына еш кедергісіз кірісіп кеткен болатын. Өйткені мамыр айы кезінде жергілікті сайлаушы шаруалар үшін қайнаған қызу еңбектің қызатын шағында аудандық мәслихат депутаты, «AMANAT» партиясы фракциясының мүшесі Райымбек Бөлебаев бақшалық жерлерін жыртып, дайындап берді.Аманаттық депутат егістік жерді тазалау, арнайы техникамен жерді жыртудан бөлек, бақшалықтың толық сумен қамтылуы үшін су айдайтын дизельді су насосын да орнатты. Бүгінде аудан орталығынан шалғай орналасқан Кәукей ауылының 35 отбасы Қуаң өзегінің Аяп жері маңынан еш кедергісіз бау-бақша егуде.
Сондай-ақ депутат Қуаң өзегінің бұрынғы «Кәрісбөгет» аталатын тұсынан бөгет тұрғызу мәселесі бойынша тиісті жұмыс жасайтындығын айтты. Ал ауыл тұрғындары жергілікті елдің жағдайын назардан тыс қалдырмай жасаған жұмыстары үшін алғыстарын айтып, халық қалаулысына ризашылықтарын білдірді.
#AMANAT
