Қазалы Qazaly.kz ақпараттық агенттігі
» » Мәслихат депутаты өз сайлау округі бойынша тұрғындармен кездесті

Мәслихат депутаты өз сайлау округі бойынша тұрғындармен кездесті

Апта басында Қазалы аудандық мәслихатының депутаты, аудандық мәслихаттағы «AMANAT» партиясы депутаттық фракциясының мүшесі Күншығар Әбілов №13 сайлау округі бойынша Аранды және Өркендеу ауылдық округінің тұрғындарымен кездесті.

Халық қалаулысы ең алдымен Аранды ауылында болып, тұрғындардың талап-тілектерін тыңдады. Шалғайдағы тұрғындар аяқ-су мәселесі өзекті екенін және ауыл маңынан жаңадан жер асты скважиналары қазылса, малға жайлы жерлер көбейе бертінін алға тартты. Ал қожабақылық сайлаушылармен өткізілген жеке қабылдауда ауылдағы балабақшаның жылу жүйесін жөндеу, спорт кешенін салу, аяқ су үшін насос алу, жастар демалысына тиімді ұйымдастыру сынды ұсыныстар айтылды.

Осы күні мәслихат депутаты Өркендеу ауылдық округінің тұрғындарына да жеке қабылдау өткізді. Қабылдауда болған ауыл тұрғындары жұмыспен қамту және денсаулығына байланысты өтініштерін айтты. Жалпы кездесулерде айтылған ұсыныс-пікірлер және өтініштер аясында халық қалаулысы алдағы уақытта орындалуына жұмыс жасап, өз бақылауына алатындығын жеткізді.

#AMANAT
14 маусым 2023 ж. 280 0

Жаңалықтар мұрағаты

«    Шілде 2024    »
ДсСсСрБсЖмСбЖс
1234567
891011121314
15161718192021
22232425262728
293031