Қазалы Qazaly.kz ақпараттық агенттігі
» » Қоғам мен биліктің тиімді диалогын орнатамыз - Президент

Қоғам мен биліктің тиімді диалогын орнатамыз - Президент

Президенттің Конституцияға өзгерістер мен толықтырулар енгізу мәселелеріне қатысты бейнеүндеуі басталды.
«Біз бәріміз бір ел болып Жаңа Қазақстанды, Әділетті Қазақстанды құрамыз. Әрбір азаматтың құқығы қорғалатын мемлекет боламыз. Бәріне бірдей мүмкіндік береміз. Әркім қарым-қабілетіне сай қоғамнан өз орнын иеленеді. Халықтың ой-санасы жаңғырып, өмір салты өзгереді.
Біз мемлекеттік жүйені жетілдіріп, қоғам мен биліктің тиімді диалогын орнатамыз. Осылайша, Екінші Республиканы қалыптастырамыз. Конституциялық реформа мұның бәрін табысты жүзеге асыру үшін қажет.
Қазіргі реформаның ерекшелігі – Президенттің өкілеттігін күшейту емес, мемлекетімізді жетілдіру, жаңғырту және нығайту. Мен баршаңызды елдің ертеңі, ұрпақтың келешегі үшін референдумға қатысуға шақырамын! Ұлт мүддесіне сай бастамаларды қолдайсыздар деп сенемін!», деді Президент.
Айта кетейік, Мемлекет басшысының бейнеүндеуі елорда уақытымен сағат 20:00-де республикалық телеарналардан көрсетілді. 
05 мамыр 2022 ж. 533 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031