Жаңғырудың өзегі – саяси реформалар
Мемлекет басшысы Қасым-Жомарт Тоқаевтың қазақстандықтарға жасаған кезекті «ЖАҢА ҚАЗАҚСТАН: ЖАҢАРУ МЕН ЖАҢҒЫРУ ЖОЛЫ» атты жолдауында елімізді дамыту жолындағы негізгі 10 реформа аталды. Президент елдің саяси жүйесін кешенді жаңғыртудың бағдарламасын таныстырды.Жолдаудағы негізгі бағыт жақын туыстарына саяси мемлекеттік қызметші болуға тыйым салу, Парламенттің рөлін күшейту, Мәслихат төрағасы лауазымын енгізу, Сайлаудың пропорционалды-мажоритарлық моделі, Партиялық жүйені дамыту, Конституциялық сот құру, Ұлттық құрылтай құру, Жаңа облыстар құру жөнінде жасалған. Мемлекет басшысының ауқымды бастамалары еліміздің саяси жүйесі мен әкімшілік-аумақтық құрылымын едәуір өзгертетін болады. Оны жүзеге асыру үшін Конституцияның 30-дан астам бабына өзгеріс енгізіледі деп күтілуде. Мемлекет басшысы: «Біз келешегіміз кемел боларына және жарқын болашақты өз қолымызбен жасай алатынымызға сенеміз. Әрбір азаматтың конституциялық құқығы мүлтіксіз сақталуын қамтамасыз етеміз. Мемлекет пен қоғамның өзара сеніміне және құрметіне негізделген жаңа саяси мәдениетті қалыптастырамыз. Біз кез-келген сын-қатерді бірге еңсеріп, Қазақстанымыздың қуатын бірге арттырамыз деп сенемін»-деді.
Ардақ КӘДІР,
Қазалы аудандық мәслихатындағы «AMANAT»
партиясы депутаттық фракциясының мүшесі
