Мерекелік құттықтау
Құрметті қаржы саласының қызметкерлері! Сіздерді Ұлттық валюта – теңге күнімен және қаржы саласы қызметкерлерінің кәсіби мерекесімен шын жүректен құттықтаймын!
Бұл – ерекше мереке. Осыдан тура 28 жыл бұрын, яғни 1993 жылы 15 қарашада Қазақстанның өз валютасы теңге айналымға енгізіліп, үлкен тарихи қадам жасалды.
Ауданда экономикалық өсуді қамтамасыз етуге және әлеуметтік мәселелерді шешуге бағытталған жұмыстар үздіксіз жүргізіліп, нәтижесінде экономикада тұрақты өсім қалыптасып, даму көрсеткіштері артты.
Осындай жетістікке жетуге, тәжірибелі, өз ісіне шынайы берілген, жоғары білікті мамандар еңбек ететін ауданның қаржы саласы қызметкерлерінің де сіңірген зор еңбегін атап өткен жөн.
Құрметті қаржы саласының қызметкерлері!
Ұлттық валюта мерейлі мерекесінде ел экономикасының дамуына аянбай күш-жігерін жұмсаған Сіздерге алғысымды білдіремін.
Айтулы мереке қарсаңында Сіздерге зор денсаулық, еңбектеріңізге табыс, отбасыларыңызға береке-бірлік тілеймін!
Құрметпен,
Қазалы ауданының әкімі
Мұхтар ОРАЗБАЕВ
