Есірткісіз болашақ — әрқайсымыздың жауапкершілігіміз
Бүгінгі таңда есірткі дерті — тек жеке адамның емес, бүкіл қоғамның қасіреті. Жастар арасында синтетикалық есірткілердің таралуы ұлт болашағына үлкен қауіп төндіріп тұр. Осы тұста «Есірткісіз болашақ: қоғам үні» идеясы әрбір азаматты бейжай қалдырмауы тиіс. Болашағымыздың жарқын болуы бүгінгі таңдауымызға тікелей байланысты.
Менің ойымша, есірткімен күресті тек құқық қорғау органдарына жүктеп қою жеткіліксіз. Бұл іске әрбір мектеп оқушысы, студент және ата-ана белсене қатысуы қажет. Біз «маған қатысы жоқ» деген енжарлықтан арылып, қоғам болып үн қатуымыз керек. Нағыз бақыт — есірткінің уақытша елесінде емес, спортпен шұғылдануда, білім алуда және салауатты өмір салтын ұстануда. Саналы ұрпақ өзін улауға ешқашан жол бермейді.
Есірткісіз өмір сүру — бұл біздің жеке жауапкершілігіміз бен саналы таңдауымыз. Жастық шақтың жалынды энергиясын есірткіге емес, шығармашылыққа, ғылым мен Отанға қызмет етуге арнауымыз қажет. Әрбір жас өз өмірінің сәулетшісі екенін түсінуі тиіс. Біз біріккенде ғана есірткісіз, салауатты әрі қауіпсіз қоғам құра аламыз. Болашағымыз өз қолымызда, ендеше зиянды әдеттерге бірге «жоқ» деп айтайық!
Нұрдәулет СЕРІК
