Көше тазалығы – бәрімізге сын
Аудан әкімі Мұхтар Оразбаев бүгінгі жұмыс күнін аудан орталығындағы Әйтеке би көшесін аралаудан бастады.Аудан басшысы теміржол вокзалынан бастап Қ.Пірімов көшесіне дейінгі аралықты түгел аралап, Әйтеке би кентінің әкімі Қайрақбай Орынбасаровқа бірқатар тапсырмаларды берді.
Атап айтар болсақ, көшенің екі жағындағы арықтардың ішін шөптерден тазалап, жол бойында шашылған жапырақтарды жинау қажеттігін айтты.
Сондай-ақ, орталық көше бойындағы кәсіпкерлік нысандардың иелеріне өздеріне тиесілі аумақты мұнтаздай таза ұстау туралы ескерту жасауды тапсырды.
Аудан әкімі Мұхтар Оразбаев Әйтеке би көшесінен жақында жаңадан ашылған «Sulpak» дүкеніне де барып, соңғы үлгіде шыққан түрлі техникалық тауарларды сататын сауда орталығының жұмысымен танысты.
"ҚАЗАЛЫ" ақпарат
