Аудан басшысы теміржол қақпасы саналатын вокзал маңы, Әйтеке би, Қ.Пірімов, Р.Бағланова көшелерімен жаяу жүріп, әрбір мәселеге аса қатты мән беруді тапсырды.

– Аудан орталығы – Әйтеке би кенті біздің айнамыз. Сондықтан көшелеріміз таза, ғимараттарымыз сәнді болуы тиіс. Ол үшін тазалық мәселесін бір сәт естен шығармауымыз қажет. Әсіресе, орталық базар маңындағы қоқыстар лезде алынып тасталуы керек, – деді Мұхтар Әуесұлы.

Одан бөлек, электр бағаналарының түптерін әктеп, темір қоршауларды сырлау, жаяу жүргіншілер жолын тазалауға аса қатты мән берілу қажеттігін Әйтеке би кентінің әкімі Қайрақбай Орынбасаровқа тапсырды.