Бүгін Қазалы ауданында «5 маусым – Дүниежүзілік қоршаған ортаны қорғау күні» мерекесі қарсаңында «Birge Taza Qazaqstan» экологиялық акциясы өтті.

Акцияның мақсаты – қоршаған ортаның ластану проблемасына, өлкеміздің табиғатын сақтаудың және экологиялық мәдениетті қалыптастырудың маңыздылығына жұртшылықтың назарын аудару болып табылады.

Экологиялық акция барысында аудан орталығы Әйтеке би кентіндегі 5 кварталдағы «Қазақ қорымы» және «Мектепбай каналы», шығыс беткейдегі теміржол өткелі, «Батыс Еуропа-Батыс Қытай көлік жолы», «Қарамай көлінің» аумағы, «Водакачка» елді мекеніне баратын жолдың екі жағы, Т.Бөріқұлақов көшесінің аяқ жағы түрлі қоқыс қалдықтарынан тазарту жұмыстары жүргізіліп, қайта қалпына келтірілді.

Акцияға аудандағы барша мекеме-кәсіпорындар мен жеке тұрғындар белсенділікпен үн қосты.

Айта кету керек, аудан орталығы Әйтеке би кентінде өткен тазалық акиясына 58 мекемеден 400-ден аса адам қатысты.