Қазалыда жаппай тазалық акциясы өтіп жатыр
Бүгін Қазалы ауданының орталығы – Әйтеке би кенті мен Қазалы қаласында тазалық акциясы ұйымдастырылып жатыр. Оған басты себеп – кент пен қаланың шет аймақтары мен елді мекенге кіре беріс жолдардың қоқыс алаңына айналғаны.Ашығын айту керек, бұл жерлерде жатқан қоқыстар мен ұшқан пакеттерден аяқ алып жүру мүмкін емес. Әсіресе, тұрғындар «Мектепбай» учаскесі, 5 квартал аймағындағы «Қарамай көл», «Водокачка» елді мекеніне барар жолға қоқыстарын бей-берекетсіз тастай берген.
Осыған орай аудан әкімінің тапсырмасына сәйкес Әйтеке би кенті мен Қазалы қаласы 4 аймаққа бөлініп, әр аймаққа аудан әкімінің орынбасарлары мен аппарат басшысы жауапты болып бекітілді.
"Қазалы" ақпарат
