"Дүниежүзілік тазалық күні" аясында сенбілік ұйымдастырылды
Қазалы ауданында 19 қыркүйек – Дүниежүзілік тазалық күні аясында сенбілік жұмыстары ұйымдастырылды. Акцияға қазалылықтар белсене қатысты.Аудан орталығы – Әйтеке би кенті 10 аумаққа бөлініп, әр аумаққа бекітілген жауапты қызметкерлердің бастауымен тазалық жұмыстары қарқынды жүргізілді.
Кенттің орталық көшелерімен қатар, шет аймақтары да назардан тыс қалған жоқ. Әсіресе, тұрғындар қоқыс полигонына айналдырған «Мектепбай» учаскесі, «Водокачка» елді мекеніне баратын жол мен 5 кварталдағы қорымдардың айналасы, кенттің шығыс беткейіндегі теміржол асты көпірінің аймағы тұрмыстық қатты қалдықтардан тазартылды. Бей-берекетсіз өскен шөптер шабылып, арықтар қоқыстан аршылды. Адамның күші жетпейтін жерлерге арнайы техникалар апарылды.
"ҚАЗАЛЫ" ақпарат
