Психология – ғажайып ғылым
Әйтеке би кентіндегі №2 «Айгөлек» бөбекжай-балабақшасында «Психология – ғажайып ғылым» атты апталық өткізілді. Оның ашылу салтанатында балабақша меңгерушісі Күләш Абашева ұжым мүшелері мен бүлдіршіндерге жылы лебізін арнап, сәттілік тіледі.Апталық барысында жағымды сыйластық, қарым-қатынас қалыптастыру мақсатында «Балабақшам – бал ұям» атты акция ұйымдастырылды. Ұжым мүшелерінен «Менің көңіл-күйім» атты тест алынып, олардың жеке ерекшеліктері анықталды.
Балабақша педагогтары арасында «Көтеріңкі көңіл күй – жанға дауа» атты тренинг өткізілді. «Сиқырлы қорапша» акциясында ата-аналар қорапшадан көңілді смайликтер таңдау арқылы бір-бірлеріне жақсы тілектер жолдады. Балалар «Алақанмен сурет» байқауында шығармашылық қабілеттерін көрсетті.
Жеңіске жеткен топтар мақтау қағаздарымен марапатталды.
Г.ҚҰМАРБАЕВА
