Қазалы Қазалы аудандық қоғамдық-саяси газет
» » Ата-аналар арасында дөңгелек үстел өтті

Ата-аналар арасында дөңгелек үстел өтті

Мемлекет басшысы Н.Ә.Назарбаевтың «Болашаққа бағдар: Рухани жаңғыру» атты мақаласын басшылыққа ала отырып Әйтеке би кентіндегі Жанқожа батыр атындағы №70 орта мектептің ұйымдастыруымен 5-6 сыныптар арасында «Рухани жаңғыру – болашаққа даңғыл жол» атты апталық болып өтті. Апталық аясында сурет байқаулары, спорттық іс-шаралар, тәрбие сағаттар, дөңгелек үстел, түрлі сайыстар және өңіріміздің тарихи киелі жерлерін насихаттау мақсатында саяхаттар өткізілді.
Отбасындағы тәрбие – өте маңызды рөл атқаратындығын көрсете білу үшін, мектеп пен ата-ана байланысын ынтымақтастыру өзара серіктестік орнату, ата-ананың, баланың оқу-тәрбиеге қатысты жауапкершілігін арттыру мақсатында 5 «б» сыныбының жетекшісі Ж.Оңғарова ата-аналардың қатысуымен «Ұлағатты отбасы – ұлт құндылығы» тақырыбында дөңгелек үстел ұйымдастырды.
Дөңгелек үстел барысында ата-аналардың көңіл-күйі жақсарды, бірігіп жұмыс істеу жүйесін дамыта отырып, отбасы мәселелері туралы ой бөлісті, әдістемелік көмектер алды. Дөңгелек үстел соңында ата-аналар алған әсерлерімен бөлісе отырып, балаларына ақ тілектерін білдірді. Сонымен бірге ата-аналарға ынтымақтастықта бірлесіп жұмыс істеу және әр тұлғаны тәрбиелеуде қателіктерге жол бермеу мақсатында ата-аналарға арналған жаднама таратылады.
Қалдыгүл СӘДУ,
Жанқожа батыр атындағы №70 орта мектеп кітапханашысы.
07 желтоқсан 2017 ж. 1 038 0

Жаңалықтар мұрағаты

«    Қыркүйек 2018    »
ДсСсСрБсЖмСбЖс
 12
3456789
10111213141516
17181920212223
24252627282930