Көтеріңкі көңіл-күй сыйлады

Әйтеке би кентіндегі орталық алаңда Қазақстан Республикасының Конституциясы күніне орай «Азат елдің ар-намысы – Ата Заң» атты гала-концерт өткізілді. Оның жоғары деңгейде өтуіне Әйтеке би кенті аппаратының Кенттік клубы мен «Жастар ресурстық орталығы» дәнекер болды.

Салтанатты шарада жастар саясатын жүзеге асырып, қоғамдық жұмыстарда белсенділік танытып жүрген бірқатар еріктілер аудан әкімінің және аудандық «Жастар ресурстық орталығының» алғыс хатымен марапатталды.

Тағылымды басқосуда өнерпаздар қазалылықтарға көтеріңкі-көңіл күй сыйлап, әннен шашу шашты. Сонымен қатар, көрермендер арасында түрлі ойындар ойнатылды.

Мереке барысында «Street dance life» заманауи би байқауы ұйымдастырылды. Көше биінің хип-хоп жанры бойынша өнер көрсеткен жиырмаға жуық жас өзара бақ сынасты. Нәтижесінде жеке бишілер арасында үздік шыққандар алғыс хаттармен марапатталды.