Сахна саңлағына арналды

Шәкен ауылдық клубы қыз­меткерлерінің ұйымдастыруы­мен, Сыр өңірінің перзенті, сахна саңлағы Сәбира Майқанованың 105 жылдығына байланысты «Өнер, Ана, Өнеге» атты байқау өткізілді. Онда сөз алған ауылдық ардагерлер кеңесінің төрағасы Әзілхан Үмбетов еліне елеулі, халқына қалаулы болған актрисаның сом­даған рөлдеріне тоқталып, қатысушы талапкерлерге сәттілік тіледі.

Байқаудың бірін­ші бөлімінде шәкірттер Сәбира апаның ойнаған рөлі­нен үзінді орындаса, екінші талап бойынша кез келген ақын-жазушының шығармаларын жат­қа айтып, бақ сынады.

Қазылар алқасының шешімімен бас жүлдені 9 сынып оқушысы Гүлжайна Изен­ова иемденді. Бірінші орынға 6 сынып оқушысы Алеш Еркемай тұрақтады. Екі және үшінші орынды 6 сынып оқушысы Аружан Рүстемова мен 5 сынып оқушысы Мөлдір Нұрлыбек өзара бөлісті. Гүлзат Шәріп және Еркетай Амандос есімді оқушылар алғыс хаттармен марапатталып, жүлдегер оқушыларға бағалы сыйлық тап­сырылды.