Сүлей ақын, сыршыл жыр

Абай ауылдық кітапханасында «Бір ел – бір кітап» акциясы аясында көрнекті ақын Әбділда Тәжібаевтың – 110 жылдығына орай «Ұлы заманның жыршысы» атты әдеби кеш өтті.

Кеш шымылдығын аудандық Әбділда оқулары байқауының жүлдегері, №90 мектептің 9 сынып оқушысы Ә.Махашов «Сырдың сұңқар ақыны» атты өлеңімен ашты. Ауыл кітапханашысы А.Жаңбыршиева ақынның өмір жолы мен шығармашылығы туралы баяндады. Мектеп шәкірттері лирикалық жырларын жатқа оқып, ақын жөнінде түсірілген бейнероликті тамашалады. Ауылдық ардагерлер кеңесінің төрағасы А.Түрікбеналиев ақын шығармаларының құндылығын айта келе жас буынды кітап оқуға шақырды.

Қ.НҰРҒАБЫЛ