Аудандық мәдениет орталы­ғының ұйымдастыруымен «Талантың­мен таң қалдыр» өнер бай­қауы өткізілді.

Онда кент, қала және ауылдық округтерден келген қатысушылар түрлі жанрдағы таңқаларлық өнер­лерін ортаға салды. Сахна төріне шыққан олар жарылған әйнектің үстінен жалаң аяқ жүру, бір минут ішінде кез келген ағаштан, темір­ден сан түрлі бұйым жасау, әртүрлі сиқырлар көрсету арқы­лы көрермендерді таң-тамаша қал­дырды.

Қазылар алқасының ұйғарымы бойынша бас жүлде Әйтеке би кенті №234 мектептің 10 сынып оқушысы Ерлан Қуаңбаевқа берілді. Бірінші орын Ерасыл Сапарбекке, екінші орын Нұрсұлтан Нұрмашқа бұйырды. Ал үшінші орынды Мадияр Қараман, Олжас Әбілқазы, Аруназ Әбу еншіледі. «Талантымен таң қалдырған» номинациясы Қазалы көлік техникалық колледжінің студенті Ерсұлтан Таншайбекке тапсырылды. Қалған талапкерлердің барлығы да алғыс хатпен марапатталды.