2018 жылы 04 – 06 қаңтар күндері аралығында №25 мектептің пән бірлестіктері арасында «Жаңашыл мұғалім-мектеп тірегі» тақырыбында тәжірибе алаңы өтті. 

Тәжірибе алаңына мектептегі төрт бірлестіктен 4 топ қатысты. 

1. Жаратылыстану пәндер бірлестігінен « Хабаршы» тобы

2. Бастауыш сыныптар пән бірлестігінен «Жаңалық жаршысы» тобы

3. Гуманитарлық пән бірлестігінен «Рухани» тобы

4. Эстетикалық пәндер бірлестігінен «Қыран» тобы

Әр топ құрамында 5 мұғалім болды. Жұмысқа барлығы 20 мұғалім тартылды. 

Сайыскер топтар мына шарттар бойынша жұмыстар көрсетті:

- «Таныс болыңыз, бұл біздің бірлестік!» Топтардың таныстырылымы.

- Бірлестіктердің шығармашылық көрмесі

- "Оқытудың жаңаша формасы: Жаңашылдық. Ізденіс. Нәтиже” тақырыбындағы ықшам сабақтар қорғау

- «Рефлексия – сарлы ой, сапалы нәтиже» тақырыбындағы баяндамалар қорғау.

- "Оқушы құзырлылығын қалыптастыру жолдары” тақырыбындағы тәрбие жұмыстарына байланысты жоба қорғау

- «Саламатты өмір, көтеріңкі көңіл» тақырыбындағы эстафеталық сайыс Жұмыстарды саралап, қорытынды жасайтын арнайы топ жұмыс жасады. Олар: 

1. Сағидуллаев Ғ-мектеп директоры

2. Қуандықов Қ - директордық оқу ісі жөніндегі орынбасары

3. Алмағамбет Б-директордың бағдарлы оқыту жөніндегі орынбасары

4. Сейітова Н– директордың тәрбие ісі жөніндегі орынбасары

5. Сәрсен – мектеп координаторы, бастауыш сынып мұғалімі

6. Жадиева К – мектеп тренері, қазақ тілі мен әдебиеті пәні мұғалімі

7. Қосбармақова Г – мектеп тренері, тарих пәнінің мұғалімі

8. Қожахметов К – денешынықтыру пәнінің мұғалімі.

Барлық жұмыстар алдын ала дайындалған бағалау критерийлері бойынша бағаланды. Бағалау критерийлері алдын ала топ мүшелеріне таныстырылды. Алғашқы шарт - таныстыру кезеңіне әр топ өздері туралы таныстырылым жасады. Оны бағалау мына критерийлер бойынша жүзеге асты:

- Топтардың қатысу белсенділігі

- Таныстыру мазмұндылығы

- Эстетикалық көркемдігі

- Шығармашылық көрінісі

Мұғалімдердің шығармашылық жұмыстар көрмесінің бағалау критерийі:

- Жұмыс бағыттарының көптүрлілігі

- Эстетикалық талапқа сай болуы

Ықшам сабақ көрсетелемінің бағалау критерийі:

- Оқу мақсатына сабақ мақсатының сәйкестігі

- Таңдалған әдістердің тиімділігі

- Мұғалім шеберлігі

Баяндама жұмысының бағалау критерийі:

- Өзектілігі 

- Жаңашылдығы

- Практикалық құндылығы, тиімділігі

- Баяндау шеберлігі

Тәрбие жұмыстары бойынша жоба қорғау жұмысының бағалау критерийі:

- Тақырыптың ашылуы

- Жоспардың құрылымдық сапасы:

• Мақсаттың айқындылығы

• Жоспар құрылымының жүйелілігі 

• Әдіс-тәсілдердің тиімділігі 

• Кері байланыстың көрінуі

Бағалау дискрипторларының ұпайлары: 1-3 ұпай аралығын қамтыды.

Жалпы жұмыс қорытындысы бойынша 

- «Хабаршы» тобы – 590 ұпай

- «Рухани» тобы – 580 ұпай

- «Жаңалық жаршысы» тобы – 574 ұпай

- «Қыран» тобы – 400 ұпай иеленді. 

- «Алаң жұлдызы» бастауыш сынып мұғалімі Айтжанова Қ атанды.

Әр жұмыс түріне байланысты жеңімпаз мұғалімдерге орындар мен алғыс хаттар берілді. 

Сонымен қатар мектеп мұғалімдерінің кәсіби шеберлігін шыңдау мақсатында мектеп тренерлері жұмыстар көрсетті:

- «Мінсіз мұғалім. Ол кім?» тренинг. Жәди К

- «Белсенді оқытудың ерекшеліктері мен тиімділігі» коучинг. Қосбармақова Г