Қазалы Қазалы аудандық қоғамдық-саяси газет
» » » «ТУҒАН ЖЕРГЕ ТАҒЗЫМ»: ҚЫЗЫЛОРДА ОБЛЫСЫНДА ТӨРТ БАЙҚАУДЫҢ ЖЕҢІМПАЗДАРЫ МАРАПАТТАЛДЫ

«ТУҒАН ЖЕРГЕ ТАҒЗЫМ»: ҚЫЗЫЛОРДА ОБЛЫСЫНДА ТӨРТ БАЙҚАУДЫҢ ЖЕҢІМПАЗДАРЫ МАРАПАТТАЛДЫ

Қызылорда облысында облыстық ішкі саясат басқармасының тапсырысымен «Руханиятты қолдау» қоғамдық қоры «Туған жерге тағзым» жобасы аясында төрт байқау жариялаған болатын. Бүгін жеңімпаздар салтанатты түрде марапатталды, деп хабарлайды ҚазАқпарат тілшісі.
Елбасының мақаласындағы «Патриотизм - кіндік қаның тамған жеріңе, өскен аулыңа, қалаң мен өңіріңе, яғни туған жеріңе деген сүйіспеншіліктен басталады» деген сөзді негізге ала отырып, жастар арасында отансүйгіштікті қалыптастыру, жас фотосуретшілердің шеберлігін шыңдауға және қоғамдағы саяси тұрақтылықты дамытуға ықпал жасау - байқаудың мақсаты. Сонымен бірге Қызылорда жастарының шығармашылық әлеуетін дамыту, арттыру, қоғамның жалпы мәдениетін көркем өнер тәрбиесі арқылы көтеру, сыр өңірінің табиғатының ерекшеліктерін көрсету .
«Сыр өңірінің табиғаты» тақырыбындағы бейнебайқау нәтижесінде 1-орынды Қуан Ислам, 2-орынды Мұханбетжан Ердос, 3-орынды Жанбаева Мадина иеленді.
«Сыр өңірінің табиғаты» тақырыбындағы фотобайқау қорытындысында 1-орынды Нұрман Азамат, 2-орынды Кенжебаева Таңшолпан, 3-орынды Сейітова Ақерке иеленді.
«Атаулар сыр шертеді» тақырыбындағы үздік пост жариялау байқауына түскен материалдарды іріктеу кезінде қазылар алқасы 1-орынды Нұргүл Исабекқызына, 2-орынды Айша Ахметбекке, 3-орынды Аида Мұхтароваға берді.
«Туған жер естеліктері» тақырыбындағы эссе онлайн-конкурсының нәтижесінде 1-орынды Ерболат Тұрсынқожа, 2-орынды Гүлзат Ермекқызы, 3-орынды Анар Қайназарова алды.
Барлық жеңімпаздар бағалы сыйлықпен марапатталды.
http://www.http.inform.kz
22 қараша 2017 ж. 214 0

Жаңалықтар мұрағаты

«    Қыркүйек 2018    »
ДсСсСрБсЖмСбЖс
 12
3456789
10111213141516
17181920212223
24252627282930