Бітістіруші судья бір күнде екі отбасыны татуластырды
Қазалы аудандық сотында «Соттағы татуласу рәсімдері» пилоттық жобасы жүзеге асырылуда. Осы пилоттық жобаның аясында өткен жылы бітістіруші-судья 36 талап арызды қарап, оның ішінде 16 талап арызды қараудың нәтижесі бітіммен аяқталған.Ал, биылғы жылы сотқа талап қоюшылар К. және Г. жауапкерлер Е. мен К.-ден неке бұзу туралы талап арызымен жүргінген.
Талап арыз бітістіруші-судья Қ.Т.Мыхановқа берілген. Судья бес күндік мерзімнің ішінде бітімгершілік рәсімдерін жүргізу үшін тараптарды сотқа шақырған.
Судья заң талаптарына сай туындаған дауды медиация тәртібімен бітімгершілікке келу мүмкін екенін түсіндіргеннен кейін, тараптар келісімдерін берді. Нәтижесінде тараптар арасында туындаған дау, қатысуымен бітімгершілік рәсімімен аяқталды. Ерлі-зайыптылар сот талқылауы басталғанға дейін өзара татуласты.
Сот ұйғарымдары заңды күшіне енбеген.
Қазалы аудандық сотының баспасөз қызметі
