Бір күнде медиация тәртібімен 2 іс қысқартылды

Қазалы аудандық сотымен талап қоюшы А.-ның жауапкер Т.-дан неке бұзу туралы азаматтық ісі қаралды.

Сотта тараптардың заңды некеде тұратындығы және ортақ некеден кәмелет жасқа толмаған балалары бар екендігі анықталды.

Сот отырысы барысында төрелік етуші судья заң талаптарына сай туындаған дауды медиация тәртібімен бітімгершілікке келу мүмкін екенін түсіндіргеннен кейін, тараптар Қазалы ауданының кәсіби емес медиаторының қызметіне жүгінді.

Нәтижесінде тараптар арасында туындаған дау, медиатордың қатысуымен бітімгершілік рәсімімен аяқталды.

Сот медиация тәртібіндегі келісімді бекітіп, азаматтық іс өндірісі тоқтатылды.

Сонымен қатар, осы күні күнде қарыз ақша өндіру туралы талап арыз бойынша 1 азаматтық іс тараптардың медиациялық келісімге келулеріне байланысты қысқартылды.

Ұйғарымдар заңды күшіне енген жоқ.