Сонымен, талап қоюшы Ә.-ның жауапкер Н.-ға неке бұзу туралы талап арызымен жүргінген. 2017 жылдан бері заңды некеде тұрған, жұбайлардың некеден кәмелетке толмаған ұлы бар.

Талап арыз бітістіруші – судья Қ.Т.Мыхановқа берілген. Бітімгер судья бес күндік мерзімнің ішінде бітімгершілік рәсімдерін жүргізу үшін тараптарды сотқа шақырған.

Татуластыру рәсімінің нәтижесінде, бітістіруші – судья барлық мән-жайды анықтап, тараптарға татуластыру тәртіптерін түсіндіргеннен кейін, тараптар отбасын сақтаймыз деп шешім қабылдады. Жауапкер отбасын сақтауға, сыйластық пен жауапкершілік сезімдерін туғызатын әрекеттер істеуге міндеттелді.

Осы пилоттық жобаның аясында осы кезге дейін бітістіруші – судья 32 талап арыз қарап, оның ішінде 13 талап арызды қараудың нәтижесі бітіммен аяқталған. Бұл, сотқа дейінгі дауды реттеудің жағмды белгілері болып саналады.