Қырағы қырандар"
Әдетте мекеме-ұйымдарға кіргеніңде алғаш кездесетін адамың — кезекшілер. Олар қарапайым бақылаушылар ғана емес, сол орындағы қоғамдық тәртіпті қадағалаушы, жауапты маман. Қазалы аудандық полиция бөлімінің кезекші бөлімшесінің де атқарар ісі ауқымды, жауапкершілігі жоғары. Полиция майоры Мұратбек Желдербаев басшылық ететін бөлімшеге сайдың тасындай іріктелген 9 маман топтастырылған.Кешекші полицейлер бөлім қызметкерлерінің киімі, қызметтік куәлігі, беджлерілерінен бастап кезекшілік кезінде орын алған қылмыстық арыздар мен хабарламаларды тіркейді. Қару-жарақтарды сақтау бөлмесіндегі жайды нысанаға алып, жедел топ құрамын брондық жилетпен, дулыға, жекетпен қаруландырып, оқиға болған жерге баруын талап етеді.
Уақытша ұстау изолияторында қамауда отырған сезіктілер мен айыпталушылардың құжаттарын, сонымен қатар олардың аман-түгендігін қадағалайды. Әкімшілік ғимараттарға бөгде адамдардың кіруін болдырмау және бөлімнің аумағын, сонымен бірге, көріп бақылау, дыбыс жазу құралдарын, бейне, кино, ауди жазбаларды бақылау сияқты жауапты шаруаларды жіті жүргізіп, бөлім жұмысын алға сүйреп келеді.
Алтын ҚОСБАРМАҚОВА
