Қазалы Қазалы аудандық қоғамдық-саяси газет
» » Қаржыға қырағылық қажет

Қаржыға қырағылық қажет

Сыбайлас жемқорлықтың мемлекеттің бәсекеге қабілеттілігін едәуір төмендететіні, қоғамда демократиялық қайта құруларды жүзеге асыруды тежейтіні, елдің халықаралық беделіне көлеңке түсіретіні белгілі. Ең бастысы – адамдардың, қоғамның экономикалық негізіне, заң мен әділдікке, түптеп келгенде, билікке деген сеніміне кері әсер ететіні хақ.
Осыған орай, сыбайлас жемқорлыққа қарсы іс-қимыл департаментінің Батыс аймағы бойынша ауданаралық басқармасының басшысы С.Кенжебековтің қатысуымен Қазалы көлік-техникалық колледжінде жиын өтті. Онда мекемеге бөлінген бюджет қаржысын игеру барысында тиісті заңдылықтарды басшылыққа алуды және колледждегі қаржы саласына жауапты мамандардың күнделікті ісіне мұқияттылығын күшейту мәселесі айтылды. Қаржы шаруашылығымен айналысатын тұлғалардың қажеттілігіне қарай білімін жетілдіру ұсынылды.
Саруар Кенжебековтың айтуынша, жең ұшынан жалғасқан жемқорлық тұрақты түрде зерделеуді, жүйелік ұстанымды, жедел іс-қимылды талап ететін қауіпті құбылыс. Сондықтан құқық қорғау мен барлық жергілікті өзін-өзі басқару қызметі халықпен тығыз байланыста жұмыс атқарады. Бюджет қаражатын пайдалану барысында заңдылықтарды бұзуға жол бермеу үшін Қазалы көлік-техникалық колледжінің басшылығы тарапынан бақылауды күшейту қажеттігі ескертілді.
Айнұр ЖИЫЛЫСҚЫЗЫ
27 қазан 2018 ж. 307 0

Бүгінгi жаңалықтар

Жаңалықтар мұрағаты

«    Қазан 2019    »
ДсСсСрБсЖмСбЖс
 123456
78910111213
14151617181920
21222324252627
28293031