Қарыз дауы медиация тәртібімен реттелді

Қазалы аудандық сотында талап қоюшы Ж.-ның жауапкер А.-дан 195 000 теңге мөлшерінде қарыз өндіру туралы талап қою арызы бойынша азаматтық іс қаралды.

Іс құжаттарына сәйкес, жауапкер А. талап қоюшы Ж-дан 195 000 теңге қарызға ақша алып, осы уақытқа дейін қайтармаған.

Сот талқылауы барысында тараптар арасында дауды сот медиациясы тәртібінде реттеу туралы келісім жасалды.

Сот ұйғарымымен дауды (жанжалды) медиация тәртібімен реттеу туралы келісім бекітілді, Қазақстан Республикасының Азаматтық процестік кодексінің 277-бабының 6-бөлігіне сай азаматтық іс бойынша іс жүргізу қысқартылып, төленген мемлекеттік баж қайтарылды.

Ұйғарым заңды күшіне енген жоқ.