Қазалы Qazaly.kz ақпараттық агенттігі
» » «Бақытты бала»: Ақтөбе облысында 58 жетім бала баспаналы болды

«Бақытты бала»: Ақтөбе облысында 58 жетім бала баспаналы болды

  2015 жыл Ақтөбе облысында - Бала жылы деп жарияланған болатын. Соның аясында «Бақытты бала» ауқымды жобасы жүзеге асырылуда, деп хабарлайды Baq.kz ақпарат агенттігі.
  Ақтөбе облысы әкімдігінен хабарланғандай, «Бақытты бала» жобасы Білім және ғылым министрлігі тарапынан қолдау тапты. Сонымен бірге, оған қатысуға отбасы және бала мәселелерімен айналысатын халықаралық ұйымдар, қайырымдылық қорлары ниет білдірді. Басты мақсат - балаларға, олардың интеллектуалдық, физикалық, рухани-адамгершілік жағынан дамуларына қолайлы жағдай жасау.
Бүгінде жоба барлық сегіз бағыт бойынша табысты жүзеге асырылып жатыр.
  Білім басқармасының мәліметінше, «Балалардың ІТ әлемі» бағыты аясында 20 мектепті интерактивті жабдықтармен, кешенді робот техникаларымен, 3D-принтерлермен жабдықтау жалғасуда. Бұл жұмыс бүгінде Қобда, Мәртөк, Ойыл, Темір және Хромтау аудандарында толықтай аяқталды. Ерекше қажеттілігі бар балалардың құқығын қамтамасыз ету және өмір сүру сапасын жақсарту шаралары қабылдануда. Бұл үшін «Кедергісіз білім» іс-шараларының жекелеген блогы жасалған. Ерекше балақайларға арналған балабақша мен жыл бойы жұмыс істейтін Қазақстандағы тұңғыш инклюзивті «Күншуақ» демалу және сауықтыру лагері ашылды.
  Бұдан басқа, церебралды сал ауруымен және аутизммен ауыратын балалар үшін психологиялық, медициналық-педагогикалық кеңес беру, оңалту орталықтары ашылды. Жалпы, облыстағы 34 мектепке кедергісіз білім беру ортасын жасау көзделген.
  «Дені сау болашақ» блогын жүзеге асыру үшін бүкіл облыс бойынша 140 спорт, ойын және воркаут алаңдары, сонымен қатар жабық спорт кешені мен 24 хоккей корттары салынып жатыр. Бұл мақсатқа 385 млн теңгеден астам қаражат аударылмақ. Денсаулығында күрделі кінәрәті бар балалар қымбат тұратын медициналық қызметтерді тегін алатын болады. Соның ішінде Оңтүстік Корея мен Түркияға емделуге жіберіледі. Осы жылғы тамыз айының соңына дейін 118 мың бала жазғы демалыспен қамтылмақ. 10 мыңнан аса бала Қазақстанның киелі жерлеріне тегін саяхаттау үшін мүмкіндік алды. Тағы жүздеген жас ақтөбелік Татарстан, Өзбекстан, РФ-ның Орынбор облыстарындағы сауықтыру және білім беру лагерьлерінде болып қайтады. Сонымен бірге Ақтөбенің өзінде «Артекке» ұқсауы тиіс «Әсем» жыл бойғы лагері ашылған болатын. Бұдан өзге, «Бақытты бала» жобасы аясында кәсіпорындар мен мемлекеттік органдар жетім және ата-ана қамқорлығынсыз қалған мыңдаған баланы өз қарауына алды. Олар балалардың Тұрғын үй құрылыс жинақ банкіндегі есепшоттарын үнемі толтырып отырады. Айта кетейік, жоба басталғалы бері 58 жетім бала баспаналы болды.

Baq.kz
25 шілде 2018 ж. 1 384 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031