Бүгінде жас ұрпақты ел мен жерді, туған топырақты сүюге тәрбиелеу, оған деген құрмет сезімдерін орнықтыру, олардың бойындағы отаншылдық сезімін арттыру, елдің рухын биіктетуді мақсат тұтқан шарада Ү.Түктібаев атындағы №24 орта мектептің 9-сынып оқушысы Гүлсезім Әбдіраш сазгердің өмір жолы мен шығармашылығынан мәлімет берді. Сонымен қатар "Қорқыт Ата" атындағы өнер мектебінің баян класының мұғалімі Қадірбай Нұрдәулет пен музыка мектебінің оқушылары Әсеттің әсем әндерін шырқап, кеш ажарын аша түсті.

Мұнан бөлек “Өнер – тағдыр, өнер – өмір” атты тақырыпта кітап көрмесі ұйымдастырылып, оқырмандарға таныстырылды. Кеш соңын аудандық орталықтандырылған кітапханалар жүйесінің директоры Индира Әбілқасымқызы қорытындылап, талантты сазгердің шығармашылық жетістіктерін жоғары бағалап, ән әлемінде өзіндік орны, мәртебелі төрі бар екенін атап өтті.

Ән өнері көкжиегіне өзіндік леппен келген дарынды композитордың әндерін орындаған оқырмандарды алғыс хаттармен марапаттап, жылы лебізін білдірді.