Тәрбие орынбасарларының тартысы

Екі күнге созылған дебат турниріне 5 аймаққа бөлінген тәрбие жұмысы жөніндегі орынбасарларынан құралған 20 команда қатысты. Турнирдің ақтық додасында аймақтық іріктеу кезеңінде жеңімпаз атанған «Найзағай намыс», «Руханият», «Жалаңтөс Баһадүр», «Лидер», «Риторика» командалары өзара сынға түсті.
Тартысқа толы өткен турнирдің нәтижесіне сай – бірінші орынды №249 мектеп-лицей атынан сынға түскен «Риторика» командасы мүшелері Мафруза Тикеева мен Гүлнар Аяпова жеңіп алды. Екінші орынды «Руханият» командасы №88 орта мектеп өкілдері Талғат Әбдіраманов пен Асылбек Қаналиев иемденді. Үшінші орынды №16 мектеп-лицейдің «Найзағай намыс» командасынан Асан Нураддинов және Алмира Нарманова мен №266 мектеп-лицейден келген Қалабай Күлдеев пен Алтынай Ысқақова бастаған «Лидер» командасы қанжығасына байлады. Ал №92, №103 орта мектептің «Жалаңтөс Баһадүр» командасы атынан қатысқан Сабит Ықыласов пен Бақыт Тәжібаевқа Алғыс хат табысталды.
Турнир барысында жүлделі орын алған командалармен қатар жақсы ойын көрсеткен №249 мектеп-лицейдің тәрбие жұмысы жөніндегі орынбасары Мафруза Тикеева «Үздік спикер», №70 мектептен Айбек Тұрымбетов «Үздік сарапшы», №88 мектептен Асылбек Қаналиев «Үздік оратор», №266 мектеп-лицейден Алтынай Ысқақова «Дебаттық креатив» номинациясымен марапатталды.