Ұстаздар үздік атанды
Жуырда Әли Мүсілімов атындағы №101 мектеп-лицей базасында «Тәуелсіз ел болашағы – білімді ұрпақ» тақырыбында жалпы білім беру ұйымдарының мектеп директорлары арасында ІІ рет облыстық дебат турнирі өткізілді.Облыстық дебат турниріне аудандық, қалалық білім бөлімдерінен жеңімпаз атанған 20 мектеп директоры қатысып, 3 команда жүлдегер атанды.
Аталмыш сайыста қазалылық мектеп басшыларынан құралған «4К» фракциясы – Қымбат Сермахан мен Эльмира Сматуллаева сайыс жеңімпазы атанып, І дәрежелі дипломмен марапатталды
Барша жеңімпаздар мен жүлдегерлерге облыстық білім басқармасының және Білім және ғылым қызметкерлері кәсіподағының облыстық комитетінің І, ІІ, ІІІ дәрежелі дипломдары мен бағалы сыйлықтары тапсырылды.
Жүзден жүйрік шыққан ұлағатты ұстаздарымызды құттықтай отырып, алдағы уақытта да абырой биігінен көріне беретініне сеніміміз кәміл.
«ҚАЗАЛЫ» ақпарат
