"Мен – чемпион" спорттық сайысы өткізілді
№249 мектеп-лицей базасында республикалық «Мен-чемпион» балалар спорттық ойынының аудандық іріктеу жарысының ақтық ойындары өткізілді. Жарыстың ақтық ойындарына аймақтық жарыстың жеңімпаздары
№25, №24, №102, №182, №249, №204 мектеп командалары қатысты. Тартысты өткен жарыстың қорытындысында №249 мектеп-лицейдің «Сұңқар» командасы жеңімпаз атанып, жарыстың облыстық іріктеу кезеңіне жолдама алды.
Жүлделі ІІ орынды №25 мектептің «Қыран» командасы, ІІІ орынды №204 мектептің «Ыбырай жастары» командасы мен №24 мектептің «Бәйтерек» командасы иеленді. Жарыстың жеңімпазы мен жүлдегер командалары аудандық білім бөлімінің мадақтамаларымен марапатталды.
