Қазалы аудандық сотында Қазақстан Республикасының ҚК-нің 297- бабының 1 –бөлігімен айыпталған Р.-ның қылмыстық ісі қаралды.

Сот мәжілісінде анықталғандай, сотталушы Р. өз үйінің ауласында азамат Ғ.-ға 5 000 теңгеге заңсыз сақтаған 2 дана қағаз орамындағы салмақтары тиісінше 1,77 грамм есірткі заты болып табылатын кептірілген марихуананы заңсыз өткізген.

Басты сот талқылауында сотталушы Р.-ның айыбы, өзінің кінәсін толық мойындап берген жауабы, куәлардың жауаптары, сараптама қорытындыларымен, істегі жинақталған басқа да құжаттармен толық дәлелденіп бекітілді.

Сот үкімімен сотталушы Р. ҚР Қылмыстық Кодексінің 297 -бабының 1 -бөлігінде көзделген қылмыстық құқық бұзушылық жасағаны үшін кінәлі деп танылып, қылмыстық жолмен табылған не қылмыстық жолмен табылған қаражатқа сатып алынған мүлігін тәркілеп, оны 6 жылға бас бостандығынан айырып, жазаны қылмыстық-атқару жүйесінің орташа қауіпсіз мекемелерінде өтеуі белгіленді.

Сот үкімі заңды күшіне енген жоқ.