Сыбайлас жемқорлықтың алдын-алу басты міндет
Бүгін аудандық партия филиалының алаңында аудандық төтенше жағдайлар бөлімінің қызметкерлерімен бірлесе отырып, «Сыбайлас жемқорлық - қоғам дерті» атты тақырыпта дөңгелек үстел өтті.Отырыс барысында ең алдымен партия филиалының Атқарушы хатшысы Нұрғиса Жалғасбаев Мемлекет басшысының «Әділетті Қазақстанның экономикалық бағдары» Жолдауында айтылған тапсырмаларды орындауда «AMANAT» партиясы алғы шепте болатынын айтып, стратегиялық құжаттың басты бағыттарына тоқталды. Мұнан соң сыбайлас жемқорлықтың алдын алу бойынша түсіндірме жұмыстарын жасады.
Сондай-ақ жиында Қазалы ауданы бойынша Төтенше жағдайлар бөлімінің бастығы Алтынбек Қалиев сыбайлас жемқорлыққа қарсы іс-қимыл бағдарламасы аясында бөлім бойынша атқарылып жатқан жұмыстар бойынша тарқатып, бұл бағыттағы күрес жұмыстарына атсалысу әрбір азаматтың міндеті екендігін атап өтті.
Сонымен бірге, бөлім тарапынан сыбайлас жемқорлыққа қарсы шаралар тұрақты жүргізіле беретінін және бақылауда болатынын жеткізді.
#AMANAT
