Сыбайлас жемқорлыққа қарсы іс-қимыл жөніндегі қоғамдық кеңес отырысы өтті
Бүгін «AMANAT» партиясы Қазалы аудандық филиалы жанындағы Сыбайлас жемқорлыққа қарсы іс-қимыл жөніндегі Қоғамдық кеңес отырысында бірқатар дербес бөлім басшылары мен ауылдық округ әкімінің есебі тыңдалды.Алдымен Ғ.Мұратбаев ауылдық округінің әкімі Абай Рыстығұл ауылдық округ бойынша сыбайлас жемқорлыққа жол бермеу бағытында атқарылған жұмыстар туралы баяндады.
Мұнан соң, аудандық жұмыспен қамту орталығында сыбайлас жемқорлыққа жол бермеу мақсатында атқарылған жұмыстары мен алдағы жоспарлары жөнінде сөз болып, орталық директоры Әділхан Әбіловтың хабарламасы тыңдалды.
Ал аудандық ішкі саясат бөлімінде сыбайлас жемқорлықтың алдын-алу және болдырмау мақсатында жүргізілген жұмыстар жөнінде бөлім басшысы Қайрат Әбубәкірұлы хабарлама жасады.
Жиын барысында қатысушылар тарапынан күн тәртібіндегі мәселелер бойынша бірқатар ұсыныстар беріліп, тапсырмалар жүктелді. Сондай-ақ, ұсыныстар бойынша тиісті қаулылар қабылданды.
#AMANAT
