Қоғамдық кеңестің кезекті отырысы өтті

Қоғамдық кеңестің кезекті отырысы өтті

Желтоқсан айының тоғызы күні аудандық әкімдігінің мәслихат залында Қоғамдық кеңестің кезекті отырысы өтті.

Жиын алдымен қоғамдық кеңестің байырғы мүшесі болған марқұм Жұбанғанов Жәнібек Жарқынбайұлын бір минут үнсіздікпен еске алумен басталып, күн тәртібіндегі мәселелерді талқылаумен жалғасты.

Басқосуда 2021-2025 жылдарға арналған “Кәсіпкерлікті дамыту жөніндегі ұлттық жоба туралы” және “Әлеуметтік жұмыс орны”, “Ақылы қоғамдық жұмыс", “Алғашқы жұмыс орны”, “Күміс жас” “Ұрпақтар келісім шарты”, “Жастар практикасы” сынды мемлекеттік грант бағдарламаларының орындалуы жайлы сөз етіліп, кеңес мүшелері тарапынан бірқатар ұсыныс-пікірлер айтылды. Сондай-ақ, Қазалы ауданына келетін шетелдіктер үшін 2023 жылға арналған туристік жарна мөлшерлемелерін бекіту және «2023-2025 жылдарға арналған аудандық бюджет туралы» Қазалы аудандық мәслихатының шешім жобасы талқыланып, бірқатар өзгерістермен толықтырулар туралы келісім берілді. Сонымен қатар кеңес мүшелері Тасарық ауылдық округіне көше атауларын беру туралы мәселені қозғап, өзара дауысқа салып, оны біржақты ету турасында өзара келісімге келді.

"ҚАЗАЛЫ" ақпарат