Қазалылық ұстаз үздік атанды
Қызылорда облысының білім басқармасы мен облыстық білім қызметкерлері кәсіподақ комитетінің ұйымдастыруымен “Үздік дене шынықтыру пәні мұғалімі – 2020” облыстық кәсіби байқауы өткізілді.Аталған байқау үш кезеңнен құралды.
Бірінші турда «Мен қазіргі заман педагогімін» қашықтан оқыту жағдайында дене шынықтыру сабағын тиімді ұйымдастыру талап етілді.
Екінші кезеңде «Мұғалімнің шығармашылық шеберханасы» авторлық бағдарлама, оқу-әдістемелік құрал және TED форматында қорғайтын педагогикалық идеясы бойынша бақ сынасты.
Кезекті үшінші турда «Ұлттық мектеп лигасы», «Денсаулық күні», «Президенттік тесті», мектептегі спорттық іс-шараның өткізілімін таныстыру ұсынылды.
Байқауға қатысқан Е.Бозғұлов атындағы №249 мектеп-лицейдің дене шынықтыру пәнінің мұғалімі Батырбек Сыдықов бірінші орын иеленіп, облыстық “Үздік дене шынықтыру пәні мұғалімі – 2020” байқауының жеңімпазы атанды.
«ҚАЗАЛЫ» ақпарат
