Конго Республикасында Эбола вирусын жұқтырғандар саны 11 мыңнан асты
Фото: istockphoto.comКонго Демократиялық Республикасында Эбола вирусын жұқтырғаны расталғандар саны 11 мыңнан асып, аурудан көз жұмғандар саны 5,4 мыңға жетті, деп хабарлайды turkystan.kz.
Бұл туралы ел үкіметі жариялаған мәліметтерде көрсетілген.
Ресми статистикаға сәйкес, Конго Демократиялық Республикасында Эбола вирусын жұқтырған 11 042 жағдай тіркелген. Аурудан қайтыс болғандар саны – 5 387 адам.
2026 жылдың мамыр айында басталған індет елдің 26 провинциясының сегізіне таралған.
Ауқымы жағынан қазіргі эпидемия 2014–2016 жылдары Батыс Африкада болған Эбола індетінен кейінгі тарихтағы екінші ірі эпидемияға айналды.
Бұған дейін Конго Демократиялық Республикасында Эбола індетінің өршуіне байланысты Уганда мен Руанда бірлескен әскери жаттығулар өткізетіні хабарланған еді.
