"Жаралы сезім" фильміндегі Арай қазір қайда жүр?
2007 жылы талайлардың жүрегін жаулап, көптеген жастардың көңілінен шыққан "Жаралы сезім" атты фильм ел есінде. Тәуелсіз Қазақстанның кинематографиясы енді дамып келе жатқан тұста қосыла алмай қиналған ғашықтар туралы бұл фильм көптің көзайымына айналғаны анық. Аталған фильмнен кейін көрінбей кеткен басты рөлдегі Регина Шагмунова қазір қайда жүр?Көптің назарын риясыз махабатымен жаулаған Арай мен Қанат сол фильмнен кейін жарқ етіп, жоқ болған жұлдыздар ретінде ел есінде қалды.Қанат (Берік Арықбаев) бүгінде отандық телеарналардың бірінде режиссер болып қызмет атқарса, Арай (Регина Шагмунова) бір отбасының түтінін түтетіп, бесігін тербетіп отырған аяулы ана.Регина "Жаралы сезімнен" кейін өзге фильмдерге түскен жоқ. Себебі ол өзінің кәсіби актриса емес екенін айтады.Арайдың Instagram парақшасынан оның өте қарапайым өмір сүретінін көруге болады. Ол баласымен бірге түскен түрлі ойын-сауық кешенінен суреттерін жүктейді.Бүгінде көптеген көрермендер сүйікті фильміндегі актрисаның тағдырына алаңдап, оған түрлі хаттар да жазып тұрады. Желі қолданушыларының көбі оны актриса ретінде көргісі келетінін айтады.Алайда Регина Шагмунова олардың бұл сұрауына үнсіз қалып жатады.
