"Ұшқыр доп" ұтқан ұландар
Жастардың спортқа деген алғашқы қадамы мектеп қабырғасынан басталады.Ғ.Мұратбаев атындағы №91 орта мектептің дене тәрбиесінің мұғалімі Бақытбергенов Дәулет ауылдың қара домалақ балаларын жастайынан спортқа баулып келеді.
Оқушылармен бірге «Орталық саябақ» ішінде күнделікті дайындық өткізіп, еткен еңбек пен төккен тер ақталды деуге болады.
Жақында Дәулет жетекшілік ететін Ғ.Мұратбаев ауылының 5-6 сыныбынан құралған ер балалар командасы кеше өткен «Ұлттық ғылыми – практикалық дене тәрбиесі орталығының» ұйымдастыруымен гандболдан өткен Республикалық «Ұшқыр доп» мектеп лига жарысында бақ сынады. Нәтижесінде Мұратбаев ауылының Ұлттық мектеп лигасында топ жарып, Қазақстан Республикасының чемпионы атанды.
"ҚАЗАЛЫ"ақпарат
