Қазақстан Республикасының чемпионы атанды
Жастарды спортқа баулу – жарқын болашақ кепілі. Осы ұранды жанына серік еткен Ғ.Мұратбаев атындағы №91 орта мектептің дене тәрбиесінің мұғалімі Бақытбергенов Дәулет ауылдың қара домалақ балаларын жастайынан спортқа, оның ішінде қол добына баулып келеді. Оқушылармен бірге «Орталық саябақ» ішінде күнделікті дайындық өткізіп, еткен еңбек пен төккен тер ақталды деуге болады. Ол жетекшілік ететін Ғ.Мұратбаев ауылының 5-6 сыныбынан құралған ер балалар командасы «Ұлттық ғылыми – практикалық дене тәрбиесі орталығының» ұйымдастыруымен өткізілген гандболдан өткен Республикалық «Ұшқыр доп» мектеп лига жарысында 1 орынды иемденіп, Қазақстан Республикасының чемпионы атанды.
"ҚАЗАЛЫ"ақпарат
