Аудан оқушылары шахматтан облыс жеңімпаздары

Облыстық білім басқармасының Аймақтық дене тәрбиесі методикалық орталығының ұйымдастыруымен мектеп оқушылары арасында 6-8, 9-11 сынып оқушылары (ұлдар және қыздар) арасында шахматтан облыстық онлайн жарысы lichess.org сайтында және ZOOM платформасы арқылы өткізілді.

Жарысқа Арал, Қазалы, Қармақшы, Жалағаш, Жаңақорған аудандары және Қызылорда қаласынан 36 оқушы қатысып, бақтарын сынаған.

Жарыс қорытындысы бойынша, 6-8 сыныптар арасында және 9-11 сыныптар арасында да N16 мектеп-лицей оқушыларынан құралған Қазалы ауданының командасы (жетекшісі А.Шуленбаев) І орын иеленіп, Аймақтық дене тәрбиесі методикалық орталығының арнайы дипломдарымен марапатталды.

Ауданның білім саласының мерейін үстем еткен жеңімпаздарымызды кезекті жеңісімен құттықтаймыз!